蘋果日報 簽經理人再戰江湖

八月 24, 2013

 

■秀雯直言年少時只想到兩個人一同起跑,沒想到原來不一定一齊到終點。

一個新階段開始,陳秀雯也簽了新經理人,將重新投入工作,她自言不是那種得閒去飲茶、睇戲過生活的人,有工作才令生活變得完整,她笑言:「以前啲人覺得我等錢使、去接戲,我係好彩咁耐以嚟冇因為錢接戲,只會因為部戲唔好,唔賺一嚿錢,冇試過為生活夾硬要自己拍唔想拍嘅嘢,但遲啲唔知㗎,因為香港人壽命越來越長,哈哈哈……」秀雯揚言自己幸運,在重新出發時遇到現在的經理人,亦是好友歐陽震華的經理人,令她感覺更加親切。                                                                                                        


■近年陳秀雯都有拍劇,只是甚少在香港播,公開演唱更少之又少。 資料圖片

經歷風雨自覺幸運

其實秀雯年來都有拍劇,只是香港沒有播映,她說:「經歷咁多風吹雨打,我依然係幸運嘅人,工作上遇到嘅嘢好多人都會羨慕,已經得咗好多,日後只望遇到有得發揮角色,令自己開心嘅團隊,邊度做都一樣。」                                                                                                        

廣告

蘋果日報 有話兒:離婚一身輕 陳秀雯單身大步走

八月 24, 2013
   
           

 

■對於前塵往事,陳秀雯看得很淡,現在只覺得一身輕。攝影:仇志德
 

 緣起緣滅,從來都身不由己,當事人都只得配合。陳秀雯跟林國雄結婚28年,前年和平結束夫妻關係,正式離婚,緣滅了,大家得輕輕放手。做林國雄太太時,秀雯經歷過被僧人呃錢、欠債等衝擊,她直認離婚與這等事有關,刻下已調適心情,一人輕裝上路重新出發,準備好大步向前走。 撰文:羅美倫

在香港停工兩年的陳秀雯,最近簽了新經理人,又開通了微博,忽然積極起來,全因她生活起了變化,前年初,她與結婚28年的林國雄正式離婚。回復單身,得重新整理新生活,現年51歲的秀雯日前接受專訪時說:「離婚唔係一朝一夕嘅決定,係一路覺得大家嘅生活理念唔一樣,某天覺得可能唔再係咁嘅生活方式對大家好啲。」                                                                                                                                                           

兒子長大無憂無慮

陳秀雯的經歷,就像她演的劇集般極富戲劇性,與生意拍檔為錢反目、被僧人呃錢、欠債等新聞,都與她是林國雄老婆而扯上關係,一切是非糾紛,每次都由她披上盔甲頂在最前頭,就像演員必須走在幕前一樣,她直認離婚與這等衝擊事件有關,並平靜地說:「可能兩個人故事情節多,幾多衝擊性事件,生意要執手尾,俾人呃錢,先至引伸發覺矛盾咁大,啲事件係撻着嘅藥引,人與人之間關係如果冇事發生唔知大家底線喺邊,唔係講容忍度,有事發生後會更了解大家處理事情嘅方法唔同、有矛盾,風平浪靜可能到大家老死都未必知,我哋冇嗌過交,唔需要突發事件發生,只係去到某天大家覺得不如轉生活方式啦,兩個人生活關係係千絲萬縷,第三者永遠唔會明。」

陳秀雯強調離婚純因二人理念不同,與金錢無關,她笑言:「純因金錢冇咗就拜拜,應該八幾年就已經拜拜啦!以前細個結婚冇諗過離婚,諗嘢簡單,但年代唔同,人大咗就知道現實係有十萬九千七個理由可以令兩個人一齊起跑而唔能夠一齊去到終點。」秀雯以前也曾有離婚念頭,但當下總有顧慮:「始終我呢種女人,諗到個仔仲細又讀緊書,就覺得不如等等先,佢考會考唔好搞咁多嘢喇!但今次唔使諗好耐,只在決唔決定,好快就決定咁去。」可有跟已26歲的兒子商量?秀雯說:「唔需要同佢商量,佢覺得係兩個大人嘅事,而且佢都大個。」秀雯直言離婚後一身輕,因昔日一些間接與她有關的麻煩總需由她出面處理,確有疲累感覺,但她說:「婚姻係冇得計,永遠唔知自己係咪買中咗條六合彩,婚姻係要經歷富貴同患難。」對林國雄有否失望?秀雯笑言:「係對自己嘅決定失望,細個時冇諗得咁複雜,鍾意就拍拖,人哋話結婚就結,當時連結婚嘅時間都唔啱。」                        

與陳加玲暫未和好

28年的婚姻結束,秀雯看得很開,她覺得一對夫妻、情侶一齊生活這些年,總有開心與困難,問到感到可惜?她說:「唔係可惜,係面對現實,感慨呢個遊戲嘅玩法同我細個時諗嘅唔一樣,最後劇情咁發展,我冇得怪人,漸漸明白多咗,原來唔係我想過嘅生活方式,但係,點知明天係咪會更好呢?」

離婚初期,秀雯需時間調適自己心情,她形容心情很得意:「有啲嘢以為知自己點做,係咪要執過間屋、買過張乜嘢床,但突然又唔知第一件事要做乜嘢,坐喺度好多前塵往事回憶會走出嚟,唔係唔捨得,就好似當你要掉小學用過嘅書包,就有好多嘢諗,會諗曾經孭住去過邊度咁。」 當年秀雯妹妹陳加玲揚言林國雄問她借過錢投資地產生意,公開追債300萬,大罵林國雄是偽君子,秀雯為維護丈夫與妹反目,現在她都離婚了,妹妹豈不是沒看錯人?秀雯說:「任何第三者就算係我前夫,講嘅嘢都唔可以代表我嘅人生,等於有人喺街大聲嗌呢間係黑店叫人唔好幫襯,聽嘅人都冇幫襯唔能夠印證呢間係咪黑店,有可能只係裏面嘅嘢唔啱使,唔係一個人講就係事實。」至於會否與加玲和好如初,秀雯笑言世事無絕對,但暫時未有見面。                                                                                                           

■在無綫劇《再見亦是老婆》中,陳秀雯與姜大衛分開後有好結局,但現實中不一樣。劇照                      ■秀雯多部劇集包括與馬景濤的《愛在有情天》都有佳績,她已為未來工作積極準備。劇照                     

香薰治療緩和情緒

在新生活開始適應期間,秀雯同時選讀了香薰治療師課程,她並強調沒有患焦慮症:「我重申我冇焦慮症,係某次報道俾人屈,仲話我因焦慮症甩頭髮,如果你有睇我17歲時嘅戲,都知我頭髮又幼又少。呢科係我嘅興趣,亦望喺新階段令自己開心,香薰可美容,又對應情緒,以前開工時已經想讀外國嘅遙距課程,但要好集中至讀到,呢段時間唔想諗太多前塵往事,怕唔健康,咪讀書囉。」現在,秀雯已適應新的生活模式,與囝囝同住,生活架構變得簡單,也體會到一個人的自由,她已拋下過去,不被往事絆住腳,已準備好大步向前行。
髮型:Perry Law of Suave


陳秀雯做Bobby 師妹 減磅攻港劇

八月 17, 2013

20130817-114618.jpg

【on.cc 東方互動 專訊】 藝人陳秀雯自09年演出鄧特希監製的《法綱群英》後就絕跡螢幕,原來過去兩、三年一直進修充實人生,眼見獨子已投身社會工作,不用她再粗心。秀雯希望將興趣發揮重投演藝圈,在偶然機會下與經理人Lydia傾復出之事:「我好耐冇喺香港拍劇,都好想同觀眾見面,不過先要減肥,壓力都好大!」日前在歐陽震華(Bobby)出席生日會時,秀雯遇上宣萱,笑言與宣萱、Bobby可以組「耆英娛樂有限公司

東方日報即時新聞

20130817-115037.jpg